Header Ads

عالجو الاسباب وانسو النتايج...السلسلة منا حل !!

ليش الشعب عم يطالب بالسلسلة ؟ ليش وصلنا لهون ؟؟ حدن عم يسأل هل السؤال ؟
ليش القدرة الشرائية عند المواطن صارت هالقد ضعيفة ؟ ليش المعاش كان يكفي وصار ما إلو قيمة ؟
ليش المواطن اللبناني ما بقا قادر يشتري بيت ويعيش هو وعيلتو في ؟
ليش وليش وليش...
حدن فكر بس بالكثافة السكانية يلي موجودة عنا ؟ حدن فكر بس إنو بالكلومتر الواحد عنا في أكتر من ٥٠٠ شخص كمعدل !
حدن إنتبه إنو بآخر خمس سنين زادت نسبة السكان أكتر من النص ؟؟
حدن إنتبه إنو في حكومة رفضت تحمي شعبا وتسكر حدودا وفاة أكتر من مليونين ونص سوري على ارضنا ؟؟
ونحن يلي أصلا عنا كان فلسطينيي وسوريي عدد لا بأس به عدا عن الجنسيات المتعددة البقية...
هودي كلن وضعن مش طبيعي عنا...هودي عم ياكل ويشربو من مقدرات هالبلد..هودي عم يشربو من البير ويرمو في حجار...هودي يا إنت يلي عم تطالب بسلسلة، هودي عم ياخد وظايف من قدامك، هودي عم يفتحو محلات وينافسوك يا لبناني، هودي عم يستأجرو بيوت ويخلو أسعار البيوت تسير أعلى، هودي عم يستهلكو كل السلع اليومية وعم يزيد الطلب على كل شي بوجودن، فبكل بساطة وقت يلي بزيد الطلب والعرض بدل متل ما هو، كل شي بيغلا سعرو...
طبعا ما في قوة بالعالم بتقدر تستجيب لكمية الطلب يلي حصل مع دخول هالملايين فالأسعار طلعت بشكل مش طبيعي..
حل المشكلة الإقتصادية ببلش بحل مشكلة الأغراب يلي على ارضنا، بتطبيق قانون العمل اللبناني، بفرض الحصول على رخص عمل ورخص ليفتح محل ووضع معيار معين لإستئجار الأملاك وضبط كل هلمخالفات، ساعتا، الإقتصاد كلو بيفتح على بعدو والفرص بتزيد أمام اللبناني...
وحل هالمشكلة مش بس بيفرجا على الإقتصاد انما كمان على الأمن والإجتماع والبيئة، بينما السكوت عن هالمصيبة هو جريمة لن تغتفر أمام الله والتاريخ يلي ما رح يرحم هالمرة...

No comments