Header Ads

على شو عم تتخانقو ؟ كم سوري في بجبيل وجونيه ؟

اتحفتنا أحد الصفحات على مواقع التواصل الإجتماعي بمنافسة مهمة جدا ألا وهي أي شجرة ميلاد أحلى ؟ شجرة جبيل أو شجرة جونيه ؟ طبعا منافسة عميقة كتير ومليانة وطنية وعنفوان وكرامة خاصة إنو جبيل وجونيه ما فيهن ولا أي سوري عم ياكل اللقمة من قدام أي لبناني وخاصة إنو ما في ولا أي محل سوري بجبيل وجونيه وإنو قانون العمل عم يطبق على كل سوري وغير سوري بجبيل وجونيه !! آلاف الدولارات عم تنصرف على شجرات الميلاد بكل لبنان، وبكتير من المدن والضيع وللأسف الشديد جدا جدا إنو البلديات عم تضيع وقت ومصاري وطاقة وقوة على شيء أكتر من ثانوي، على شيء ما بقدم فشخة وحدة بس، عشرات الألوف من السوريين موجودين اليوم بجبيل وجونيه والبلديات ما عم تطبق قانون العمل..في قانون تم تطبيقو بكذا مدينة وضيعة من مناطق لبنان الحر...وفي لبنانيين بجبيل وجونيه عم يبكي دم لأنو في منافسة غير شرعية لأرزاقن ! 
دعينا بالماضي ومنرجع ندعي ورح نضل نقول بصوت واحد قوي "قانون العمل فوق كل إعتبار"، قبل ما تهتم بالمظاهر، روحو شوفو ضيعكن ومدنكن كيف مخروقة للعضم وبعدين تعو هدو مراجل بالشجر واللمبات، لأن المسيح مش ناطر من حدن أبدا يعملو شجرة حلوة بتكلف ألوف الدولارات ولا ناطر يشوف أي زينة أجمل، المسيح قال "اعطو مال قيصر لقيصر"، يعني تفضلو طبقو القانون وبكفي بطر وتعتير... !! 

No comments