قال وزير العمل كميل أبو سليمان إنو رح يحط حد لمنافسة العمال الأجانب للبنانيين ويخفف من تأثيرن على الإقتصاد اللبناني وقال لكل أرباب العمل إنو معن شهر واحد ليجربو يزبطو أوضاع العمال يلي عندن. 
واضاف الوزير أبو سليمان إنوالبطالة كتير صارت عالية عند اللبنانيي وإنو هالبطالة عم تزيد من ورا الأجانب. وكمان كشف الوزير إنو عندن نقص بالمراقبين بالوزارة ورح يطلب مساعدة وزارة الداخلية بتنفيذ القرارات. ومنذكر هون إنو الاجانب ما بحقلن يشتغلو بحسب قانون العمل اللبناني إلا تلات شغلات بعد ما ياخدو إجازة عمل ويلي هني عمال ورش بناء أو تنضيف أو زراعة فقط لا غير.
نحن هون منشد على يد الوزير القواتجي أبو سليمان ومنقلو نحن حدك ونحن معك وناطرين حسمك لأن كتار وزرا العمل يلي قبلك وما عملو أي شي ينفع، فهل رح يكون الوزير كميل حيث لا يجرؤ الآخرون ؟