Header Ads

بالصورة: نجاة عائلة من القتل من أجل السرقة في بعلبك

Image may contain: one or more people
كتب الناشط طوني حدشيتي 
اليوم التنين 16 ايلول 2019 وج الضو، صوب الساعة 6، تعرضوا سعيد جبريال وزوجتو نيكول نصرالله لمحاولة اغتيال بعد ما هربوا من عصابة كان بدا تسرق سيارتن بمنطقة حرباتا - قضاء بعلبك. السيارة لي اعترضت الضحايا هي jeep شيروكي مفيّم لون صحراوي واكيد من دون نمرة.
نيكول نجيت باعجوبة من الموت المحتم ومتل ما شايفين بالصور، الرصاصة اخترقت المقعد لي قاعدة عليه وجرحلا ضهرا. لولا العناية الالهية والمقعد المتين، كان الرصاصة وصلت لقلبا. ومع نيكول وسعيد، كان قاعد ورا بنتن سيرينا لي عمرا سنتين وصديقتن ساندي عردو يللي انصابت كمان (صورة دينتا مُرفقة). وبحسب ما خبروني عيلة الضحية ويللي هني زودني بالصور، انو الحادثة صارت على بعد 500 متر من احد حواجز الدولة !!
حياة الناس مش لعبة يا دولتنا العزيزة. حطّوا حد لهل العصابات لان اذا اليوم نيكول وسعيد وساندي وسيرينا، بكرا انا او انت او حدا منعرفوا او قريب منّكن.

No comments