رسالة من إبن الشهيد: بكرهك يا بيي

بيّي.. انا بكرهك كتير... بسّ !!

بتعرف يا بيي انو من بعد ٣٢ سنة على استشهادك اكتشفت اني بكرهك كتير و ما بحبك ابدا؟ 

بكرهك لانك قررت تترك امي وولادك وتروح تحارب.. 

بكرهك لانك قررت ما تحب عيلتك وأهلك وفضّلت الحرب علين.. 

بكرهك لانك تركت شغلك ومصالحك وفضلت الوطن علين.. 

بيي انا بكرهك لانو انا شخصيا ما بعرفك الّا عالصورة..

بسّ بحبك كتييييير لان فضّلت تدافع انت ورفاقك عن هالبلد لحتى كل واحد عايش هلق بعده عم يتنفس..

بسّ بحبك لانك استشهدت لحتى يضل هالوطن اسمه لبنان وما يصير اسمه فلسطين او سوريا.. 

بسّ بحبك لان بفتخر انو بيي شهيد!! 

بسّ بحبك لان كل العالم بتصليلك وبتقول الله يرحم ترابو كان بطل

بسّ بحبك لان اصحابي يلّي من غير توجه سياسي بقلولي نيّالك بيّك شهيد

بسّ بحبك لان اذا بيرجع الزمن بعيد نفسه اكيد كنت بعمل متلك

بسّ بحبك لان لولاك انت وكل الشهداء ما كنّا هلق نحنا هون

بحبك يا بيي كتير واشتقتلك واشتقت لريحتك لبعدني هلق بشمها بالبدلة لكنت لابسها.. ويلّي ما بقي منها شي الّا ريحتك

بحبك لانك شهيد.. بحبك لانك انت والشهداء كلهم #ما_راحوا

بوب جعلوك" إبن الشهيد"