بالتفاصيل: الهدف الوحيد للحراك هو رأس باسيل

كتب حسين بزي عن الوزير جبران باسيل

ببداية "الحراك" يا طيّب قلنا بدنا نحترم الرغبات الشعبية ومشاعرها وعدم استفزاز حدا عبر القول إنو في نضاف ومش "كلن يعني كلن"، ورضينا ننزل مع الأوادم اللي هني للأمانة كتار وغضّينا نظر عن كتير هتافات على اعتبار الشارع عم يستهدف (الكل) وماشي الحال قلنا مع الوقت ببيّن الأبيض من الأسوَد، شوي شوي صار التركيز عليك، قلنا موجة غضب عفوية وإنت تُعتبر من الحزب الحاكم وساقبت الشعب فاق بعد ٣٠ سنة عدوركن وطبيعي السهام تنزل عليكن كمان ماشي الحال، قطع الوقت وتحوّل هالغضب من "عفوي" ل "مُنظّم"، وصار الإستهداف عليك دون غيرك، مع إنك مش مجرم حرب ومش قاتل ودابح حدا عالهويّة ومش مشارك بالحرب الأهلية ومش ميتّم ولاد ومش مشارك بإتّفاق الطائف وكنتش صبي عند المخابرات متل غيرك وولا مرّة كنت ذليل عند أحد الضبّاط وما شاركت بحكومات المرحوم اللي أسّست للدّيْن "طويل الأمد" اللي هلأ إجا وقت استحقاقه وعم ندفع ثمنه وفوائده، بلّشت حملات شيْطنتك تكبر وأغلب الحملات من مين؟ جزّاري الحروب، فاسدي الطائف، جماعة بيضة القبّان اللي كسّرت راسن ودعست بقلبن وحجّمتن، شيوخة كازينو لبنان والبينغو، جماعة المولدات ورُعاتهم المُتضررين من خطّة الكهرباء، بلطجية الإقطاع، شحّادي مؤسسات النازحين اللي رح تقطعلن رزقتهم بس ترجّع النازحين، مُؤيّدي بقاء النازحين ومن خلفهم الأمم المتحدة، مُؤيّدي التّوطين، كارهي المقاومة، صيّادي البجع اللي واقفين عالتّل ناطرينك توقع ليشمتو فيك وياخدو مطرحك، حتى مُحيطك تآمر عليك، عَديل حَقود أكلته الغيرة وترك عمّه الختيار بنص العاصفة وكلّو نكاية فيه، مَرا حقودة رفضت تتضامن مع بيْها وتركته لحاله كمان نكاية فيك، فاشلين إنتهازيين مطرودين من حزبك جابو عشرات الأصوات بآخر إنتخابات، فوق منهم تهديدات أميركية وأوروبية بعقوبات بسبب وقوفك معنا، هاو هني أعداءك هاو هني اللي بيكرهوك وهاو هني اللي بضخّوا الإشاعات عنّك، ساعة عنصري لإنو بهمك مصلحة إبن بلدك قبل الكل، ساعة طائفي لإنّك عم ترجّع شويّة إحترام لطائفتك اللي باعوها مسيحيّة ال ٩١، ساعة إرهابي ولازم تتعاقب بسبب حلفك مع الحزب، وحده نبيه بري خاصمك بشرف وحاربك بشرف وهلأ مستشعر إستهداف المحور عبرك وعم يتصرف على هالأساس.

بعد مرور شهر ونص وبعد ما تبيّن إنّك هدف وحيد لبعض مُتسلّقي "الحراك" وبعد ما تبيّن إنهم بدن يدفعوك ثمن وسخهم من ٣٠ سنة وبعد ما صار واضح إنهم لا بدن يشتغلو ولا بدهم حدا يشتغل واللي صار اليوم مع #ندى_بستاني أكبر دليل وبعد ما صارت الهجمة عليك شخصيّة وواضحة دون أي إلتباس وبعد ما تبيّن إنو شعار "كلن يعني كلن" يعني فقط جبران باسيل دون سواه لإنو بياكلو قتلة وبتتمسّح فيهن الأراضي وبينسحلو بالشّوارع أولاد الجُبناء، ولإنّك من شهر ونص عم تصد الهجمة عن كل المحور من رصيدك ورصيد والدتك العزيزة والكريمة ولإنو كل الكون بدو يكسرك وعم يطالب بإبعادك، الأوادم رح يكونو معك والمُقاومين ما بيتركو اللي ما تركهم،