Image result for lebanese army vs isis
وين كنتوا يا ثوار بلادي؟؟؟؟؟؟
إنتو وين كنتوا لمّا انغدر الجيش بعرسال، وانخطفوا ، وعذبوا ،وانقطعت روسن وتقوّصوا متل العصافير؟
ما سمّعتونا صوتكن!
وين كنتوا لما مشروع الأمركان والعربان كان لتحويل لبنان لإمارة داعشية؟؟؟؟؟
بالعكس شفنا مجموعات منكن عّم تدعم الدواعش ضد الجيش وضد الوطن وتروح تزورهم بعرسال!!!!!!
ليش ما سمعنا صوتكم وقتها وما طلعتوا على بعبدا تدعموا لبنان وجيشو وفخامة الرئيس بمواقفو يلي خلصت لبنان ؟؟
إنتوا وين كنتوا بس أمَر الرئيس بتطهير الجرود من الدواعش؟
إنتوا وين كنتوا وقت بعض النوّاب الشرفا قدموا قوانين رفع السرية، ورفع الحصانات، واسترداد الأموال المنهوبة؟
إنتوا وين كنتوا لما تسمّى رمز الفساد وصاحب ال11 مليار وطلعت الطايفة تقول هيدا الفيديو واللص خطّ أحمر؟
وين كان علم لبنان؟؟؟؟؟
إنتوا وين كنتوا لما انرفع الصوت بوجه النزوح السوري، وإنقال عن الوزير النشيط عنصري؟
أصلًا ما كنتوا سامعين بالأموال المنهوبة قبل هالعهد!
إنتوا وين كنتوا بس تحدّى أحد الوزراء مافيات الموتورات، وحطلّن حدّ؟
ما سمّعتونا ولا شعار مساند!
ما سمّعتونا ولا غنّيّة!
إنتوا وين كنتوا لما كان البلد سنين بلا موازنة وقطع حساب وقانون انتخاب جديد؟

إنتوا وين كنتوا لما كان رئيس وزرائكن أسير، وردّو فخامة الرئيس ميشال عون يلي هو كْرامة الوطن؟
وين كانت وحدتكن!
ليش ما ولّعتوا ولا دولاب؟؟؟؟
إنتوا وين كنتوا لما قال الرئيس للقضاة حاربوا الفاسدين وأنا سقفكن؟
وليش ما ساندتوا وتظاهرتوا ضد اللصوص والفاسدين ؟؟؟
وهلّق، إنتوا ذاتكن يلّي خرّبتوا الحراك الحقيقي وما خلّيتوا الأوادم بالحراك يوصّلوا صوتن!
ما سمعنا منكن "كلّن يعني كلّن"!
ووين كنتوا، ووين كنتوا؟ ما منخلص
وين كنتوا، ومين إنتوا؟
سقطت الأقنعة وبيّنتوا على حقيقتكن!!!!
إنتوا ذاتكن يلّي خرّبتوا بالسلطة، وما خلّيتوا الاوادم يشتغلوا!!!
صرتوا مكشوفين ومعروفين، ومنبوذين من السلطة ومن الحراك!!!!!!
والحساب لأعمالكم صار اكيد