المدرب جو غطاس

كتب أحد الجماهير الحكماوية على مجموعة "صوت الجمهور" ما يلي: 

شخصياً بالعادة ما شارك بالتعليقات بس من بعد حلقة المظلوم علي مزهر مبارح ويللي أكيد عندو كامل الحق يلعب بالفريق يللي بدو إياه حبيت شارك تفاصيل آخر دقيقتين من المباراة الشهيرة حكمة رياضي وبترك لإلكن التحليل علماً بأنو من بعد الخسارة المدرب جو غطاس سافر مع الاجانب إلى ليبيا بعقد خلق فجأة:

-د ١،٥٩ النتيجة ٨٩-٩١ للحكمة سرجيو بضيع هجمة بشكل متسرع.

- دقيقة ١.٣٦ النتيجة٩١-٩١ سرجيو بضيع هجمة بشكل متسرع. 

- دقيقة ١.٢٠ النتيجة ٩٣-٩١ للرياضي وائل بيسجل سلة على دفاع مفتوح.

-دقيقة ١.٠٦ النتيجة ٩٣- ٩١ للرياضي روش بضيع هجمة بشكل متسرع.

- ثانية ٤٥،٣ النتيجة ٩٥-٩١ للرياضي أمير بيسجل سلة على دفاع مفتوح.

- ثانية ٤٣.٣ النتيجة ٩٥-٩١ للرياضي

-ثانية ٣٥.٨ النتيجة ٩٥-٩٤ للرياضي ورجعت انحسبت ٩٥-٩٣ للرياضي عندما سجل علي مزهر ثلاثية بالغلط وهوي يللي اعترف بالمقابلة مع غاغا إنو الثلاثيات هني نقطة ضعفوا.

- ثانية ٣٠.٦ النتيجة ٩٥-٩٣ للرياضي علي مزهر بيعمل فاول مش مفهوم ليش وهوي لاعب محترف ودفعولوا حوالي نص مليون دولار نادي بيروت والسبب إنو منو عارف عندو ٤ فاول.

-ثانية ٢٢ النتيجة ٩٦-٩٣ للرياضي روش بضيع هجمة مع الدرويش بشكل أكثر من متسرع.

ثانية ١.٤ النتيجة ٩٦-٩٣ للرياضي ومع وجود أمل بتحقيق التعادل روش بيلعب الطابة بشكل متسرع جداً ومن دون أي خطة لتخسر الحكمة ومن بعدها بيطلعوا الأجانب مع المدرب على ليبيا.

بعتذر لإن البوست طويل، شخصياً مني محلل باسكت بس بعتقد الموضوع ما بدو كتير تحليل وخاصة مع ذهاب المدرب وعلي وسرجيو لنادي بيروت وهني السبب المباشر لخسارة الحكمة على الأقل المباراة الثالثة.

أكيد كل شخص عندو الحق يفتش على مصلحتوا بس ما عندو الحق يخون الأمانة يللي بين إيديه "مين أمنك لا تخونوا ولو كنت خوان"