Header Ads

فلو من الباب وفات قدن عمليون مرة من الشباك..


ب ١٤ أدار ٢٠٠٥ إجتمع كل اللبنانيي بساحة الشهدا تحت شعار واحد هو خروج الجيش السوري من لبنان ويلي كان عددن ٣٠ ألف عسكري وفعلا تحقق هالشي والعسكر السوري فل وكتار بوقت قلبو البارودة من كتف لكتف وصار يعتبرو حالن ضد السوري وقت يلي السوري صار ضعيف...على كل حال بعض ٦ سنين صار يلي صار بسوريا، وبلش تسونامي اللاجئين يحتل لبنان من جديد وبطريقة أقوى بكتير واكبر بكتير، حتى صار العدد مليونين ونص والله أعلم قديش على المظبوط !!
مليونين ونص عم يهدد هالمرة مش بس أمن لبنان بل هوية لبنان ووجودو بحد ذاتو، ويلي مش ممكن يستمر طالما هلملايين موجودة عنا، والحل الجذري بعد ما بين مظبوط وبعدو إقتصاد لبنان عم ينزف والمجتمع اللبناني عم يعاني بتواطؤ من الداخل متل أي إحتلال آخر، والإحتلال الإقتصادي والإجتماعي والديموغرافي هو أخطر بأضعاف واضعاف عن الإحتلال العسكري يلي هو كتير بسيط قدام هالنوع الآخر من الاحتلالات !!
نحن بحاجة ل ١٤ أدار جديد يرجع يجمع كل اللبنانيي ويطالب كلن بخروج كل الأغراب من لبنان والبدء أولا بتطبيق القوانين اللبنانية ويلي بتحتم على كل عامل يحصل على إجازة عمل وبتمنع الأجنبي يفتح محل بكل بساطة، ووضع قيود على اللبناني الخاين يلي عم يأجر بيتو لأي كان كرمال وكيف ما كان....

No comments