Header Ads

مناطق آمنة بسوريا للاجئين والحكومة اللبنانية مطلوب تتحرك !

تم الإتفاق على إنشاء أربع مناطق كبار بسوريا كرمال اللاجئين بالبلدان يلي حد سورية يتفضلو يرجعو على بلادن بدون أي عائق أو حجة بلا طعمة..الدولة التركية والاردنية عم يتحركوا بسرعة كبيرة لحجز مقاعد للاجئين يلي عندن كرمال يروحو على هالمناطق الآمنة والدولة اللبنانية والحكومة بعد ما صدر عنا أي شيء رسمي، علما إنو عنا وزير للنازحين بس بعد ما شفنا أي تحرك منو كرمال حل لمشكلة اللاجئين. 
المطلوب من الحكومة اللبنانية فتح قنوات مع الحكومة السورية الشرعية أي تكن، كرمال تسهيل عودة اللاجئين دون أي عائق، واي حجة إنو الكلام مع الحكومة السورية هو إعطاء شرعية للنظام السوري هو خيانة للبنان وتشجيع السوري إنو يبقى هون إلى ما شاء الله
أي كلام مع أي كان ممكن يخدم قضية عودة السوري على أرضو هو كلام وطني بإمتياز  
تركيا والاردن مساحتن قد لبنان على عشرات لا بل مئات المرات، ما في مجال للمقارنة، لبنان منو ضيعة بتركيا...وعم يقتلو حالن ليخلص من السوري ونسبة اللاجئين عندن حتى ما بتتقارن بالنسبة عنا...بعدا كل المساعي يلي عم نشوفو فردية محصورة بأشخاص وطنيين ما عندن أي إمكانية مادية ولا هني موقع قرار، المطلوب من الحكومة صار واضح ولبنان والشعب اللبناني كلو سوى ناطر، وتذكرو لا دم الشهدا بيرحم ولا الأمات بترحم...

No comments