Header Ads

كل هالمصاري لمين؟ وأكتر من ألف محل سوري بجونيه...

كل سنة متل هالوقت، بصير في إفتتاح لمهرجان جونيه، هالمهرجان العظيم صار مفكرين المنظمين إنو هو محطة سنوية بينطرا العالم كلو من سنة لسنة وكأنو الدني بألف خير وكأنو لبنان صار موناكو ومدينة جونيه هو المدينة المثالية، حن منحب نسأل منظمين هالمهرجان، بتكلفة هلمهرجان شو فيكن تعملوا شي يفيد العالم ؟ يفيد الشعب اللبناني ؟ يا أخي يفيد أهل جونيه ؟ يوظف شي عيلة فقيرة، يساعد شي كم شاب إنو ما يهاجرو ؟؟ بركي مثلا إذا هالقد قلبكن على جونيه وعلى صورة لبنان السياحية العظيمة، يا ريت بتعملو حملة إعلانية للتوعية على وجود أكتر من نص السكان اجانب ولاجئين، لحتى بركي يبلش يجي سواح وتستفيدو أكتر، لأن ما في ولا سايح في مخ رح يجي على بلد مليان لاجئين ويتفركش بشي لاجئ على الطالع والنازل...منحب نسأل كم محل سوري في بجونيه ؟؟ سمعنا إنو في أكتر من ألف ؟؟ هالمحلات هيدي قديش عم تاكل من درب اللبناني ؟ كم عيلة لبنانية عم تتأزا من وراهن ؟ ليش من الاساس هني بحقلن ؟ ليش أصلا ما بيتطبق قانون العمل هونيك ؟ يا اخوان، لبنان وقت يلي بدو يوقع رح يوقع على راسنا كلنا كلبنانيي، كلنا، فقرا ومرتاحين، أذكيا وغشم، طوال وقصار، إسلام ومسيحيي، حلوين وبشعين، كلنا كلنا يعني كلنا..وحلنا نوعا بقا، بكفي شرحشة، بكفي كذب، بكفي نفاق، بكفي تعتير !!! 

No comments