Header Ads

بالتفاصيل: زحله فينيقية ومصدر رعب للغرباء....

Related image

أصل ومعنى كلمة زحلة... 

زحلة كلمة كنعانية بتعني "الرعب"...
وعيت وانا اسمع انو اسم زحلة بِعود لكونها بتزحل...!!!
وصرت راقب على مدى 40 سنة كيف زحلة بدها تزحل نحو السهل، أو أقَلّو نحو النهر، نهر البردوني، وتطمّو... فلا النهر انطم ولا زحلت زحلة عالسهل... 
وبعد البحث والتدقيق، اكتشفنا إنو زحلة كلمة كنعانية بتعني "الرعب"، وهيّي تُلفَظ كنعانيا: "زَحلُ"، وبتنكتب فينيقيا بهالشكل: al7az، وموجودة على نقش فينيقي بعود لـ 800 سنة قبل الميلاد... 
وبالواقع، كانت تشكّل زحلة قبل ما تنسكن، مصدر للرعب لكل شخص كان يفكّر بعبور ضفاف وادي نهر زحلة، ومن هيك كانوا الناس يطلقو اسم "السبع أو البطل" على كل واحد تمكّن من دخول وادي بردوني زحلة والخروج منّو سالم من دون ما تنال منّو النمورة والأسودة الكاسرة اللي كانت عايشة فيه...
ومن أرض سكنها الرعب، استمدت زحلة تسميتها، واستمد شعبها القوّة اللي صارت فيما بعد الرعب الصارخ في وجه كل عابث بأمنها واستقرارها... 
بوادي الرعب قطن أهل زحلة، فاستحقوا لقب مروّضي السباع... وهيدا اللي جعل أهل الشعر يكتبوا بزحلة قائلين: "زحلة يا دار السلام فيكي مربى الأسودي...".
ومن هالمنطلق، طلع معنا هالشعار: "زحلة رعب على الأعادي... وسلام على محبي السلام" 
ومن هالمنطلق كمان، اخترنا لزحلة يكون رمزها القوّة المتمثلة بقوة السبع... 
ونشير بالمناسبة أيضا إلى أن عبارة "لا تزحال" التي تعني لا ترتعب، والتي وُجدت على نقش فينيقي يعود إلى القرن الثامن ق.م. باتت تُلفظ اليوم وفق النيو كنعانية أي بالسريانية "لو تدحال"، (لأن الرب معك)، كما وغدت أيضا عنوانا لترنيمة دينية مسيحية، وشعارا لم يزل منقوشا فوق عتبة العديد من مداخل كنائسنا في لبنان. 
د. عمـاد شـمـعــون

No comments