Header Ads

أفضل الجامعات العربية: السعودية بالمرتبة الأولى ولبنان يتراجع...

Related image

السعودية رقم واحد ولبنان...

قامت مؤسسة "تايمز هاير إديوكيشن" بإصدار لايحة فيا أفضل الجامعات بالدول العربية وطبعا كان للبنان حصة بالرغم من إنو منو بلد عربي بس بالوقت الحاضر مع نكران الهوية والذات هيك عم يصير..منرجع للموضوع، احتلت جامعتين اتنين لبنانيي مركز رقم ٧ ورقم ١٠ بين أفضل الجامعات وكانت الجامعة الأمريكية AUB ببيروت أخدت المرتبة السابعة بعد ما كانت بالمرتبة السادسة سنة الماضية والجامعة اللبنانية الأمركينية حلت بالمرتبة العاشرة. وهالمؤسسة هيدي بتعتمد على مؤشرات كتيرة لحتى تصنف الجامعة متل الأبحاث، والتعليم، وبيئة العلم بالجامعة، ونظرت الدول بالمستقبل، والتأثير..على كل حال، كانت المرتبة رقم واحد لجامعة سعودية ويلي هي جامعة الملك عبد العزيز والتانية كانت جامعة خليفة بالإمارات والتالتة الفيصل كمان بلسعودية، والرابعة لجامعة الأردن للعلوم والتكنولوجيا، أما الخامسة فكانت لجامعة قطر...اللافت هون هو إنو لبنان يلي كان في أول جامعة بالشرق هي جامعة الحقوق ببيروت بالوقت يلي كان السعودي بعدو على الرمل والجمال والصحرا هو وكل شي في دول عربية وخليجية ومش خليجية، هني وين صارو ونحن وين صرنا..هني قدمو لقدام بينما نحن رجعنا لورا...لازم نتوقف عند يلي عم يصير فينا طويلا ونشوف وين الأغلاط يلي عنا وليش عم يصير فينا هيك، وشو الاسباب مش السبب، وشو فينا نعمل إذا بينعمل شي بعد، لأن إذا بدنا نكمل على نفس الطريقة يلي نازلين فيا نزول ما رح يبقى نهار متل الخلق نفرجي لولادنا أو حتى لإلنا بعد كم سنة...
عم نحكي بالتربية، بس في كتير وكتير أمثال غير بكل المجالات صارو سابقينا...إقتصاد، صناعة، زراعة، رياضة، تطور، بنى تحتية، خدمات إجتماعية، الدخل الفردي، مؤشر النمو واللايحة طويلة كتير كتير ...

No comments