Image result for lebanese people cellphone"
الناس خايفة من الأزمة بس بصراحة وصل فينا البَطَرّ لحالة مش طبيعية...

لما بالبيت في أقل شي ٣ سيارات وخادمة،🚗🚕🚘
ويمكن 5 تلفونات خليوية وثابت ،☎📱📞
وكل ولد غرفه نوم وحمام ، كل واحد بياكل على ذوقه :
واحد بالمطعم والثاني بياكل معلبات والثالث عطول معزوم والطبخة بتنكبّ.😦
ولمّن الأرغيلة صارت سيدة المجالس 😊
ولما الارض ما منزورها الا على مشوايه لحم ,😋
ولمّا الزراعة صارت إهانة والمِهن صارت لغيرنا ، 😕
ولما أعراسنا متل أمراء الممالك : أغلى كوافير وفستان وسيارة وزفّة وضيافة وحفلة بالمطعم
ورحلة على تركيا او فرنسا✈️
وبالآخر بيطلّقوا بعد سنة حتى ما يحملوا مسؤولية!!!💯
ولما ما حدى بيحكي مع حدى بالبيت : كل واحد راسه بتلفون، ولما الجار بيموت بالكاد نعزي فيه، وبالفرح ما منروح الا عل العشاء والسهرة ،ولما الحليب دسم ما منشربه،
والغمّة تفه،😥
والمجدرة نياق،😨
والكشك مش طيب،🙊
والبرغل و الفول ما بيتاكلوا،❌
و لما الشب بيصير منعنع والبنت ما بتعرف تقلي بيضة!🍳
وليش ما بصير فينا هيك ليش نحنا تهدينا...الآتي أعظم لأن منستاهل!✅✅
والحلّ نرجع على طبيعة بلادنا وخيراتها والبركة والمونة والمحبة، والمساعدة الاجتماعية،والألفة والعيلة.