Header Ads

باسيل عن سامي الجميل "تشي غيفارا المتن": وثورة الشتايم شو برنامجكم؟


 رئيس التيّار الوطني الحرّ النائب جبران باسيل خلال اللقاء الشعبي في المتن: يوم الأحد 15 أيّار سيرسم "التيّار" بأصوات الأوفياء علامة النصر وصناديق الإنتخابات ستقول لكل الواهمين والحاقدين أن التيّار بالمتن الشمالي وبكل الدواير باقي وما بينكسر وما بتخلصوا منه لأن ما في قوة بتكسر إرادة الناس

باسيل: يلّي بيسمع البعض بيفتكر إنّن بـ 15 أيّار رايحين على حرب لأنهم بالفعل رايحين على حرب إلغاء للتيار خطّطوا لها واشتغلوا لها من 17 تشرين

باسيل: ردّ كل واحد تيار بإنو يقوم بـ 15 أيّار يدافع عن حاله وعن وجوده وما حدا يتخبّى أو يقعد بالبيت أحسن ما يكون عم يساهم بنجاح مخططهن

باسيل: سبحان الله كيف تجمّعوا كلّهم ولو بلوائح مختلفة وشوفوهم كيف كانوا ببلاد الانتشار مجموعين مع بعضهم علينا

باسيل: انتوا بدّكن تبنوا البلد بالحقد والتنمّر على الأوادم والسياديين الفعليين يا سياديي القطعة والمناسبة؟

باسيل: نحنا كتبنا قبل الانهيار وبعده شو لازم ينعمل بس إنتو يا أحزاب النكد السياسي وثورة الشتايم شو برنامجكم؟

باسيل: ما كتبتوا فكرة وما طرحتوا حلّ وكل ما قدّمنا إقتراح بترفضوه وكل ما سألناكم شو البديل بتقولوا بعد الإنتخابات منشوف


No comments