Header Ads

الكتائب يطلق متحف الإستقلال

متحف للكتائب قريبا


بيحتفل حزب الكتائب بيوم الشهيد نهار السبت الجايي الساعة ٤ بمجمع البلاتيا بساحل علما بجونيه وبيفتتح كمان متحف الإستقلال يلي رح يضم عدت محطات من تاريخ الحزب يلي هو أقدم من إستقلال لبنان وصولا لا اليوم مرورا بأهم محطات تاريخية متل الحرب الأهلية يلي صارت وكان لحزب الكتائب دور كتير مهم وفعال فيا بالدفاع عن لبنان ضد مشروع التوطين الفلسطيني. المتحف هيدا تأخر كتير تيصير واقع ولكن صار بنهاية المطاف حقيقة نطرا كتار من الشباب المقاومين يلي قاتل بالحرب وحتى كتار من محبي التاريخ الحديث على غرار يلي عملو حزب الله بالجنوب بضيعة مليتا مطرح ما في متحف بيعرض قطع حربية إستخدما الحزب بالمقاومة ضد الإحتلال الإسرائيلي للجنوب وحتى بيعرض قطع بتعود للأعداء بذاتن كما وإنو هالمعرض هو بالطبيعة وشبيه جدا لأرض الواقع عكس حزب الكتائب يلي رح يكون المتحف تبعو دخل بناية أو داخل بيت حزب الكتائب بحارة صخر - جونيه. 
المهم المتحف رح يبصر النور السبت الجاي ورح يكون مفتوح طيلة أيام الأسبوع لكل الكتائبيين وغير الكتائبين وللجيل الجديد أهم شي إنو يكون عم يعرف يلي صار من كم سنة مش بعاد ويكون عم يفهم إنو هالارض إندفع حقا دم بوج الأطماع الفلسطينية والسورية، لأن شعب بلا تاريخ ما بكون عندو مستقبل وبيقدر أي حضن يركبلو التاريخ يلي بدو يا وبالتالي المستقبل يلي هو ما بريدو...

No comments