Header Ads

قريباً الصين عنا وإستثمارات بالمليارات ؟

Related image

Related image

طريق الحرير يمر بلبنان 


صارت واضحة تماما إنو الصين صارت دولة عظمى وإقتصاد الصين صار من الأوائل بالعالم إذا ما قلنا الأول. الصين عم تصنع كل شي وكل شي يعني عنجد كل شي، من أكتر الأمور تطوراً لأبسط الأمور كمان. وتلفون الهاواوي وخير دليل عن يلي عم نحكي. والصين هون بتستفيد من عامل كتير مهم وهو إنو النظام عندا ديكتاتوري يعني في نوع من الإستقرار بالسياسة وهالإستقرار عم يخلي هالدولة تركز على أمر معين ويلي هو الإقتصاد. طموحات الصين ما عم تخلص واليوم أعلنت عن طموحا الفضائي وبلش الإستثمار بهلمجال كمان، وبالشرق الأوسط زادت مشاريع الصين بنسبة كتير كبيرة بآخر كم سنة. ويلي عم يصير اليوم بسوريا من خطة لإعادة الإعمار، الصين عم يكون عندا دور كتير كبير وفعال بهالعملية يلي رح تبلش قريبا والحكي كتير كمان هون عن لبنان وإستعمال لبنان كنقطة مهمة لإستثمارات الصين وإنطلاق على سوريا وعلى كل الشرق، وخصصت الصين تريليون دولار لإعادة تفعيل طريق الحرير يلي بيربطا مع دول الشرق الأوسط. والكلام اليوم عم يتمحور وبشكل جدي على إنو الصين تسثمر بمرفأ طرابلس وبيروت وبالبقاع مطرح ما رح يصير في مول كبير أو مجمع كبير بلكسكادا مول وبكون في معرض واسع لمنتجات صينية متنوعة. 

وصارت عدة زيارات مؤخرا لوفود صينية إجت على لبنان وتعرفت على طبيعة السوق يلي في وصار كلام بتفاصيل أكبر من هيك. على كل حال، الوجود الصيني بلبنان رح يكون مرحب في إقتصاديا على شرط يكون اللبناني هو المحور ويكون الإقتصاد الصيني عم يفتح باب لعمال لبنانيين ووظايف جديدة لشبابنا عون ما يروحو ينبشو على شغل ببلدان العالم...

No comments