Header Ads

الحنكش: من رسالة واتساب إلى الإتصال مرورا بالفويس

View image on Twitter

  البستاني - الحنكش

حاول النايب الياس حنكش إنو ياخد موعد من الوزيرة ندى البستاني كرمال موضوع المنصورية - عين نجم ويلي صرلو فترة طويلة عم ينحكا في بس بدون ما يصير في حل يرضي كل الأطراف
هلق لهون الخبر عادي بس الغير عادي إنو النايب حنكش يطلب موعد من الوزيرة البستاني عبر الواتساب هيك بكل بساطة ويعتبر إنو هالطلب رسمي وياخد القصة جدية. نحن ما رح نفوت بتفاصيل المشكل تبع المنصورية وبغض النظر مين معو حق ومين ما معو حق بس يا الياس حنكش يا نايبنا الحبيب يعني كان مفروض انك تتصل بحضرة الوزيرة أو فيا شخصيا أو بمكتبا ويا أخي ساعتا سجل طلب الموعد وانشرو إذا ما كانت عم تعطيك الموعد بس نشر رسالة واتساب وإعتبارا بهالجدية والرسمية وخاصة إنو واضح إنو ما في كلام سابق أو معرفة أو صداقة بينك وبين الوزيرة البستاني، لأنك كنت عم تعرف عن حالك بأول الرسالة، فمش حلوة منك انك تطلب موعد بهالطريقة وتعتبرو جدي وتنشر المحادثة يلي ضلت من طرف واحد...ماذا وإلا إعتبرت الوزيرة إنو هيدا شخص منتحل شخصيتك مثلا وعم يطلب موعد...ماذا وإلا كتير قصص وقصص...فمنتمنى إنو الواتساب ما ياخد محل كتير اشيا تعلمناها قبل من لياقة ولباقة بالتعاطي بين بعد وكمان الحلو إنو تضل المكالمات بين بعض، بين بعض وما تصير بيننا وبين الملايين...


No comments